a2Kh 36:19
bEze 31:3
cIsa 2:13
dIsa 10:34
eJer 2:15
fJer 50:7; Zec 14:13
gJer 25:34
hPh 89:39; Jer 14:21
iPh 23:16; Mt 26:15
jPk 21:32; Ns 1:18-19
kJer 23:2; Eze 34:2-4
lJer 23:1
mJer 23:1

Zechariah 11

1Lebanon aw, na tamtak singte mei in a kattum theih nadingin a
na kongkhakte hong in! b
 2 Takkungte aw, tamtak kungte puk khin ahi manin thum in;
singkung hoihte kisia khin hi!
Bashan a tehno kungte aw, thum un! c
gammang tulak teng kivatmai ta hi! d
 3 Tuucingte thumna ngai dih un:
ahoih a lonona munte uh kisia hi!
Humpinelkaite hawkna ngai un;
Jordan sephih sawlphapi lak kisia ta hi. e

Tuucing Nihte

4 TOPA ka Pasian gen hih ahi hi: “Gawh dinga ciamtehsa tuuhonte va cing in. 5A leite in tuute go napi dan a kituaksak kei hi. Tuate a zuakte in, ‘TOPA phat un ka hau ta hi,’ ci uh hi. Amaute a cingte in a zah tuan kei uh hi. 6Tua ahi manin tua gam mite ka hehpih nawn kei ding hi,”TOPA in cikhia hi. Amau ciat gam vengte tung le a kumpite uh tung ah ka pia ding hi. Amaute in a gam uh nuainet ding uh a, a khut sung panun amaute ka hukhia kei ding hi,” a ci hi. f

7 Tua ahi ciangin gawh dinga kiciamteh a diakdiakin a kinuainet tuuhonte ka cing hi. Tua ciangin ciangkhut nih ka la a, khat Angvanna ci-in, a khat Kipawlna ka ci-a tuuhonte ka vak hi. 8Kha khat sungin tua tuucing thumte ka hemkhia hi. g

Tuuhonte in kei hong hua uh a, kei zong amaute cimtakin, 9“Ke’n no kong cing nawn kei ding hi. A si nuam si unla, asia nuam sia un; a omlaite khat le khat a sa uh kine uh hen,” ka ci hi.

10 Tua ciangin Angvanna kici ciangkhut ka la a, kuaitanin minam khempeuh tawh ka bawl thukhun ka dok kik hi. 11Tua ni mahin kidok kik a, tua ciangin tuuhonte laka a kibawlsia kei hong vilvilte in TOPA kammal ahilam a thei uh hi. h

12 Amaute tungah, “Hoih-a na up uh leh ka thaman hong pia un; hoih na sak kei uh leh tang un,” ka ci hi. Tua ciangin amaute in nguntang sawmthum kei hong pia uh hi. i

13 Tua ciangin TOPA in kei kiangah, “Beelseekpa lot in,” hong ci hi - amaute in kei man dinga kituak a sak uh ahi hi! Tua ciangin tua nguntang sawmthum ka la a, TOPA inn sunga beelseekpa ka lot hi. j

14 Tua ciangin Kipawlna kici ka ciangkhut ka kuaitan a, Judah le Israel kikala ki-unauna ka siasak hi.

15 Tua ciangin TOPA in kei kiangah, “Tuucing haipa vante la kik in. 16Ahang in, keimah in a gam sunga amangte a don lo, tuunote a zong lo, a liamte a khoi lo, a damte a vak lo ahi hanga tuu khecinte tolkhia-in a limcite sa a ne tuucing khat ka khangsak ding hi. k

17 “Tuuhonte a taisan kimanna a nei lo tuucingpa, l
gimna nak thuak na nicia!
A ban le a mit taklam namsau in sat ta hen!
A ban zawcip henla,
a mit taklam taw bikbek ta hen!” hong ci hi. m
Copyright information for ZomZIV